יהודה - מירידה לעליה

גּוּר אַרְיֵה מִטֶּרֶף יָרַדְתָּ
עַד כְּנַעֲנִי נָטִיתָ נָפַלְתָּ
מִבְּנוֹתָיו לְךָ לָקַחְתָּ
תִּכְרֹת בְּרִית לְיוֹשֵׁב הָאָרֶץ
 
יַכְרֵת ה' שֶׁבַּשָׂטָן גּוֹעֵר
לָאִישׁ אֲשֶׁר יַעֲשֶׂנָּה עֵר
רְשָׁעִים מִמֶּנָּה לְנַעֵר
לֶאֱחֹז בְּכַנְפוֹת הָאָרֶץ
 
כָּכָה יֵעָשֶׂה גַּם לְע‎ֹנֶה
אֲשֶׁר בֵּית אָחִיו לֹא יִבְנֶה
כִּי הִשְׁחִית כָּל בָּשָׂר כְּזֹנֶה
וְהָיָה זַרְעֲךָ כַּעֲפַר הָאָרֶץ
 
בֶּן כְּזִיב בְּאִמְרָתוֹ כִּזָב
בָּתֵּי אַכְזִיב לְאַכְזָב
הָיוֹ תִהְיֶה לִי כְּמוֹ אָח זָב
וְלֹא נָשָׂא אֹתָם הָאָרֶץ
 
וִיהוּדָה עֹד רָד עִם אֵל
וּבְמִרְמָה בֵּית יִשְׂרָאֵל
כִּי חִלֵּל יְהוּדָה וּבַת נֵכָר תִּבָּעֵל
תַּחַת שָׁלוֹשׁ רָגְזָה אָרֶץ
 
בַּת נֵכָר תָּמוּת וְתִכְלֶה
עָלָה אַרְיֵה מִסֻּבְּכוֹ, מִגֹּלֶה
וַיֹּאמֶר ה' יְהוּדָה יַעֲלֶה
הִנֵּה נָתַתִּי אֶת הָאָרֶץ
 
עוּרִי תָמָר לִבְשִׁי עֻזֵּךְ
רְאִי כִּי גָדַל כְּבוֹדֵךְ
הַרְבָּה אַרְבֶּה אֶת זַרְעֵךְ
הֲלוֹא זֶה דָוִד מֶלֶךְ הָאָרֶץ
 
עֲטוּיי שָׁנִי לוֹבְשֵׁי אֲדַמְדָּם
לֹא עוֹד יִשְׁלְחוּ יָדָם
כַּשֶּׁלֶג יַלְבִּינוּ גָּדוֹל כְּבוֹדָם
מַה פָּרַצְתָּ עָלֶיךָ פָּרֶץ